tausendpfund

Leseproben

1. Gensblüümle
2. Du Kirschn!
3. middn nai
4. Unse klaans Paradies

middn nai

iich deed suu gern
mai Hend
middn nai
in en warme Kuuhflaadn
leeng,

miich mid main Hindern
middn nai
in en richdichn Ameisnhaafn
hoggn,

mid naggede Fäiß
middn nai
in waichn Baads schbringe
und rumblandschn

iich deed aa gern
vom Felsn dreiiem
iibern Dool rooschbringe

odde aaf en hochn Baam
naafschdaing

odde e ganze Nachd
alaa
im dungeln Wald hoggn

weeche
dem Briggeln,
dem Schaudern
und Schüddeln.

Abbe
in main Alde
sochd me,

weer suu verrigds Zaich
blouß dengd,
is scho
gwiies e weng...

Aus „middn nai “