Leseproben

Duu, Kirschn!

Wenn duu ned weersd...

roud wäi Gluud,
roud wäi Bluud,
roud wäi...

naa...

süüß wäi Draim,
süüß wäi Sündn,
süüß wäi...

naa...

duu Brachd,
duu Faie,
duu...

naa!

Duu, Kirschn...
duu machsd miich
verriggd!

Wenn . ja wenn...

Wenn,
ja wenn...

alles zammbreched,
in Drümme falled,
in Bach noo genged...

dann,
ja, dann...

bflanzed iich
ganz allaans,
blooß fiier miich...

e klaans,
ainsams
Kirschbaimle...

waal’s soo schee is,
waal’s wos dregd,
waal’s waide wechsd...

aa
in en vill schbeedern
und annern Leehm...

wenn,
ja wenn...

Aus „Kirschgardn“